మోదీ, జగన్, కేసీఆర్‌ కలిస్తే టీడీపీ ఉండదు: రోజా

చంద్రబాబు టార్గెట్‌గా విమర్శనాస్త్రాలు సంధించారు ఎమ్మెల్యే రోజా. జగన్, కేసీఆర్, మోదీలు కలిసి కుట్రలు చేస్తున్నారని చంద్రబాబు వ్యాఖ్యానించడం సిగ్గుచేటని పేర్కొన్నారు. వారిద్దరు కలిసి కుట్రలు చేస్తే.. టీడీపీలో ఒక్క నేత కూడా మిగలరన్నారు. వైసీపీ నుంచి 23మంది ఎమ్మెల్యేలను తీసుకున్నప్పుడు చంద్రబాబు ఎవరితో కుమ్మక్కయ్యారో చెప్పాలన్నారు. చంద్రబాబు విధానాలు నచ్చక…జగన్‌కు ఉన్న ప్రజాబలం వల్లే టీడీపీ నేతలు వైసీపీలో చేరుతున్నారని చెప్పుకొచ్చారు. గురువారం తిరుమల శ్రీవారిని దర్శించుకున్న అనంతరం మాట్లాడిన రోజా…

చంద్రబాబుకు కులపిచ్చి అని విమర్శించారు. దళితులపై టీడీపీ ఎమ్మెల్యే చింతమనేని చేసిన వ్యాఖ్యలు.. చంద్రబాబు తీరును బయటపెడుతున్నాయని మండిపడ్డారు. దళితుల్ని ఎమ్మెల్యే అవమానించినా.. ఎందుకు చర్యలు తీసుకోవడం లేదని ప్రశ్నించారు. గతంలో చంద్రబాబు కూడా దళితులను అవమానించేలా మాట్లాడారని.. ఆ పార్టీ ఎమ్మెల్యేలు కూడా ఆయనను అనుసరిస్తున్నారని విమర్శించారు.

పుల్వామా ఘటనపై చంద్రబాబు వ్యాఖ్యలు ఉగ్రవాదుల్ని సమర్థించేలా ఉన్నాయని విమర్శించారు రోజా. మోదీ రాజీనామా చేయాలనడం చంద్రబాబు దిగజారుడుతనానికి నిదర్శనమన్నారు. గతంలో గోదావరి పుష్కరాల్లో 30 మంది చనిపోతే చంద్రబాబు రాజీనామా చేశారా అని ప్రశ్నించారు. ద్వంద్వ విధానాలు ఉన్న చంద్రబాబుకు తనకో నీతి.. మరొకరికి వేరే నీతి అన్నట్టుగా వ్యవహరించడం అలవాటేనన్నారు.

Leave a Reply

Your email address will not be published. Required fields are marked *