Bigg Boss 4 Telugu:- హీరో నందు బిగ్ బాస్ హౌస్‌కి వెళ్ళుతున్నాడు

మనోడి వాలకం కాస్త తేడాగానే ఉంది.. బిగ్ బాస్ కంటెస్టెంట్స్‌ని స్టేజ్ మీద చూపించే వరకూ కూడా అనౌన్స్ కూడా చేయరు.. అలాంటిది నేను బిగ్ బాస్‌కి వెళ్తున్నా మంట పుట్టిస్తా అంటూ ముందే డప్పు మొదలుపెట్టాడు.

హీరో నందు బిగ్ బాస్ రూల్స్ ప్రకారం హౌస్‌కి వెళ్లే కంటెస్టెంట్స్ తాను షోకి వెళ్తున్న విషయాన్ని కాని.. అందుకు సంబంధించిన వివరాలను కాని ఎట్టిపరిస్థితిల్లోనూ బయటకు చెప్పకూడదు. కాని హీరో నందు తాను బిగ్ బాస్ షోకి వెళ్తున్నానని.. ఇన్ స్టాగ్రామ్‌లో అఫీషియల్‌గా ప్రకటించాడు. మనోడికి మొదటనుంచి కాస్త అత్యుత్సాహం ఎక్కువే కాని.. బిగ్ బాస్‌కి సంబంధించిన ఈ అఫీషియల్ ప్రకటన ఏదో తేడాగానే ఉంది.

‘డార్లింగ్స్.. నేను బిగ్ బాస్ షోకి వెళ్తున్నా.. బిగ్ బాస్‌లో మనం రచ్చ మామూలుగా ఉండదు. అదిరిపోయే ఎంటర్ టైన్మెంట్ ఉంటుంది. మీ సపోర్ట్ కావాలి.. కాని.. రేపు సాయంత్రం ఆరు గంటలకి ఇంకో అప్డేట్ ఇస్తున్నా రెడీగా ఉండండి’ అంటూ ఇన్ స్టా గ్రాప్‌లో పోస్ట్ పెట్టాడు నందు. అయితే ఆ ముందు రోజు
కూడా ‘BIGG అనౌన్స్ మెంట్ చేయబోతున్నా’ అంటూ ఇన్‌స్టాగ్రామ్‌లో పోస్ట్ పెట్టడంతో.. ‘అన్నా BIGG అనౌన్స్ మెంట్ అంటున్నావ్.. BIGG BOSS గురించే కదా’ అంటూ చాలామంది నెటిజన్లు స్పందించారు.

గీతామాధురి వదినను సీజన్ 2లో గెలిపించుకోలేకపోయాం కాని.. నిన్ను మాత్రం పక్కాగా గెలిపిస్తాం అన్నా అంటూ తెగ కామెంట్లు పెట్టారు. మనోడి బిగ్ అనౌన్స్ మెంట్ పోస్ట్‌పై చాలామంది బిగ్ బాస్ ఫిక్స్ అయిపోవడంతో మనోడు ఎక్జైట్ అయ్యాడు.. దీంతో ఈరోజు ఏకంగా తాను బిగ్ బాస్‌లోకి వెళ్తున్నట్టు అఫీషియల్‌గా ప్రకటించేసి.. చివర్లో ‘కాని’.. అంటూ రేపు మరో అప్డేట్ అనేశాడు.

అంటే ‘కాని’కి ముందు చెప్పిందంతా అబద్దం ఆ తరువాతదే నిజం.. అని నందు పోస్ట్‌ని బట్టి అర్థమౌతోంది. నిజానికి ఇప్పటి వరకూ బిగ్ బాస్‌కి వెళ్లే ఏ కంటిస్టెంట్‌ కూడా ముందే అఫీషియల్‌గా ప్రకటించింది లేదు. చేస్తే స్టార్ మా చేయాలి తప్ప.. పోటీదారులకు ఆ అవకాశం ఉండదు. బిగ్ బాస్ హౌస్‌లోకి వెళ్తున్నామనే విషయాన్ని బయటకు చెప్పినా.. ప్రచారం చేసుకున్నా బిగ్ బాస్ వాళ్లు తీసి పక్కన పెడతారు. పైగా ఈ విషయంతో నందుకి ఫుల్ క్లారిటీ ఉండనే ఉంటుంది. ఎందుకంటే అతని సతీమణి గీతా మాధురి బిగ్ బాస్ సీజన్ 2 కంటెస్టెంట్ కనుక. సో.. నేను బిగ్ బాస్‌కి వెళ్తున్నా అంటూ నందు చేసిన ప్రకటన ఖచ్చితంగా నిజం అయ్యే అవకాశం అయితే నూటికి నూరు శాతం లేదు. తన ఫాలోవర్స్‌ని కన్ఫ్యూజ్ చేసి.. లేని పబ్లిసిటీని రప్పించుకోవడంలోో భాగంగానే నందు ఈ పోస్ట్ చేసినట్టుగా కనిపిస్తోంది.

మరో విషయం ఏంటంటే.. నందు భార్య గీతా మాధురి బిగ్ బాస్ సీజన్ 2కి వచ్చింది కనుక.. అదే ఫ్యామిలీ నుంచి మరో కంటెస్టెంట్‌కి కూడా అవకాశం ఉండదు. ఎందుకంటే బిగ్ బాస్ హౌస్‌లో ఎప్పుడు ఏం జరుగుతుంది. అక్కడ ఉండే వ్యూహాలు మొత్తం ముందే తెలుసుకునే అవకాశం ఉంటుంది కనుక.. నందు బిగ్ బాస్ ప్రకటన అభిమానుల్ని కన్ఫ్యూజ్ చేయడానికే అన్నట్టుగానే ఉంది.

Leave a Reply

Your email address will not be published. Required fields are marked *