ఆ బాలిక కేసు ఇచ్చారుగా.. చిన్నాన్న హత్య కేసును సీబీఐకి ఎందుకివ్వరు – సీఎం జగన్ సోదరి లాయర్ ప్రశ్న

ఆ బాలిక కేసు ఇచ్చారుగా.. మా చిన్నాన్న హత్య కేసును సీబీఐకి ఎందుకివ్వరు – సీఎం జగన్ సోదరి లాయర్ ప్రశ్న మాజీ మంత్రి వైఎస్ వివేకానందరెడ్డి హత్య కేసును సీబీఐ దర్యాప్తుకు అప్పగించాలని కోరుతూ.. దాఖలైన పిటిషన్లపై విచారణ ముగిసింది. దీనిపై గల తీర్పును హైకోర్టు రిజర్వు(వాయిదా )చేసింది. ఆ బాలిక కేసు ఇచ్చారుగా.. చిన్నాన్న హత్య కేసును సీబీఐకి ఎందుకివ్వరు – ముఖ్యమంత్రి జగన్ ముఖ్యమంత్రి వైఎస్ జగన్‌మోహన్‌రెడ్డి చిన్నాన్న, మాజీ మంత్రి వైఎస్‌ వివేకానందరెడ్డి హత్య కేసు దర్యాప్తును సీబీఐకి ఇవ్వాలని కోరుతూ దాఖలైన పిటిషన్లపై సోమవారం హైకోర్టులో వాదనలు ముగిశాయి. దీనిపై తీర్పును వాయిదా వేస్తున్నట్లు హైకోర్టు న్యాయమూర్తి జస్టిస్‌ యు.దుర్గాప్రసాదరావు తెలిపారు. వివేకానంద రెడ్డి హత్య కేసును సీబీఐకి ఇవ్వాలంటూ ప్రతిపక్ష నేతగా ఉన్నప్పుడు తాను దాఖలు చేసిన వ్యాజ్యాన్ని వెనక్కి తీసుకుంటున్నట్లు ముఖ్యమంత్రి వైఎస్ జగన్‌ హైకోర్టులో మెమో వేయడంపై వివేకానంద రెడ్డి భార్య, కుమార్తె అభ్యంతరం వ్యక్తం చేశారు. దీంతో వ్యాజ్యం దాఖలు చేసే నాటికి, ఇప్పటికీ పరిస్థితులు వేరని… అందువల్లే ఉత్తర్వులు అవసరం లేదని ముఖ్యమంత్రి జగన్ మెమో దాఖలు చేశారని జగన్‌ తరఫు న్యాయవాది చెప్పారు. వాదనలు విన్న న్యాయమూర్తి వివేకానంద రెడ్డి హత్య కేసుకు సంబంధించి పోలీసులు అందజేసిన జనరల్‌ డైరీ, కేసు డైరీ తదితర నివేదికలను రిజిస్ట్రార్‌ జ్యుడీషియల్‌ సమక్షంలో భద్రపరచాలని ఆదేశించడం జరిగింది. వివేకానంద రెడ్డి భార్య, కుమార్తె తరఫున సీనియర్‌ న్యాయవాది వీరారెడ్డి వాదనలు వినిపిస్తూ.. అధికరణ 226ను వినియోగించి హైకోర్టులో దాఖలు చేసిన వ్యాజ్యాన్ని ఉపసంహరించుకోవడానికి వీల్లేదని తెలిపారు . ఒకే అంశం, ఒకే విచారణ, ఒకే అభ్యర్థనతో దాఖలైన వ్యాజ్యాల్లో తన వ్యాజ్యం ఉపసంహరణకు అనుమతివ్వాలని ముఖ్యమంత్రి జగన్మోహన్ రెడ్డి కోరడం సరికాదన్నారు. అయితే ప్రత్యేకంగా దాఖలు చేసిన వ్యాజ్యం కాబట్టి ఉపసంహరించుకుంటానని కోరితే తప్పేముందని న్యాయమూర్తి ప్రశ్నించారు. వీరారెడ్డి వాదనలు కొనసాగిస్తూ.. పోలీసులు నిష్పాక్షిక దర్యాప్తు జరుపుతున్నారని వాదనల సందర్భంగా అడ్వొకేట్‌ జనరల్‌ శ్రీరామ్‌ చెప్పారన్నారు. కానీ ముఖ్యమంత్రి జగన్‌ దాఖలు చేసిన మెమోలో నిష్పాక్షిక దర్యాప్తు జరుగుతోందని వ్యక్తిగతంగా పేర్కొనలేదని పేర్కొన్నారు. ముఖ్యమంత్రి జగన్ వ్యాజ్యాన్ని ఉపసంహరించుకుంటే మిగిలిన వ్యాజ్యాల్లో విరుద్ధమైన ప్రభావం పడుతుందేమోననేది తమ ఆందోళన అని చెప్పారు. ఆ విషయాన్ని కోర్టు పరిశీలిస్తుందని న్యాయమూర్తి తెలిపారు. వీరారెడ్డి వాదనలు కొనసాగిస్తూ.. ఇటీవల కర్నూలు జిల్లా పర్యటనలో భాగంగా ఓ బాలిక హత్యాచార కేసు దర్యాప్తును సీబీఐకి అప్పగిస్తానని ముఖ్యమంత్రి చెప్పారన్నారు. అయితే సొంత బాబాయి హత్య కేసును సీబీఐకి అప్పగించే కోణంలో ఎందుకు చూడటం లేదని ప్రశ్నించారు. దీంతో కర్నూలు అంశంతో ఈ కేసుకు సంబంధమేమిటని న్యాయమూర్తి ప్రశ్నించారు.

Leave a Reply

Your email address will not be published. Required fields are marked *